«Түмсүү- төлкө төрдө»
улуус нэһилиэктэрин икки ардыларыгар ыытыллыбыт фестиваль көрүүтүгэр Харбалаахпыт халыҥ хамаандата үлэлээн, уопсайа 259,05 баалы ылан, чиэстээх 3-с миэстэ буоларын ситистибит👏🏼👏🏼👏🏼🎉🥳
Уопсайа 82 улахан киьи, 30 оҕо кыттыыны ылан үрдүк таһымнаах улахан кэнсиэр уонна быыстапка турда🌿
Ол курдук:
⚜️ Эр дьон хора «Мэтээлгин кэт бэтэрээн», «Манчаары оонньууларын өрөгөйө» ырыалары ыллаатылар, салайааччы дирижер СР культуратын туйгуна Лилия Федорова;
⚜️ Клим Макаров «Пусть всегда будет солнце» ырыаны ыллаан көрөөччү, дьүүллүүр сүбэ кутун-сүрүн тутта, салайааччы СР культуратын туйгуна Лилия Федорова;
⚜️ «Талах курдаах Таатта уолаттара», «Синий платочек» «Тэтим» эдэр ыччат үҥкүү бөлөҕө туйгун сыананы ылан көрөөччү биһирэбилин ылыан ылла,» Талах курдаах Таатта уолаттара» үҥкүү — бастыҥ ааты ылары ситистэ, салайааччы СР культуратын туйгуна Туяра Кононова;
⚜️ Салйааччы улахан дьон уонна о5олор Улуу кыайыы 80 сылыгар аналлаах уус-уран аа5ыылара үрдүк сыанабылы ылан бастыҥнар ааттарын ыллылар, салайааччы СР үтүөлээх учуутала Валентина Кривошапкина;
⚜️ Харбалаахтааҕы оҕо искусствотын оскуолатын хомуска преподавателэ, эдэр кэскиллээх салайааччы Айаал Быгынанов «Сыккыс» оҕо фольклорнай ансааамбылыгар хомус уонна норуот ырыатын туруорда;
⚜️ «Саллаат дойдутугар ахтылҕана» диэн хомуһунан дьүһүйүүну Светлана Федорова туруоран, хомус алыптаах тыаһыгар уйдардыбыт;
⚜️ СР культуратын туйгуна, Харбалаахтааҕы оҕо искусствотын преподавателэ Варвара Парфенова салайааччылаах «Дорҕоон тойук» улахан дьон бөлөҕө» Ырыа» диэн норуот ырыатын дьиэрэччи толордулар;
⚜️ «Баллада о солдате» ураты тыыннаах ырыаны улахан дьон ансаамбыла толорон бастыҥ ааты ыллылар, салайааччы Айаара Федорова;
⚜️ «Кэскил» оҕо уһуйаанын коллектива уонна Саха сирин ырыа айааччыларын чилиэнэ, мелодист, СР культуратын туйгуна Виктор Туманов «Смуглянка» туруоруулаах ырыаны ыллаан көрөөччү биһирэбилин ыллылар;
⚜️ Дьон-сэргэ кутун туппут, ылбаҕай ырыаһыт Надежда Бурмистрова «Сахам сирэ» ырыаны бэлэх уунна;
⚜️ Эдэр дьиэрэтиилээх оһуохайдьыт Айаал Быгынанов үөрэнээччитинээн Айсаана Федоровалыын оһуохай түһүлгэтигэр дьону-сэргэни түмэ таттылар.
⚜️⚜️⚜️⚜️⚜️⚜️

⚜️Бырааттыы Мординовтар тумэллэригэр олохтоох уран тарбахтаах уустарбыт, иистэнньэҥнэрбит, уопсайа 53 киһи кыттыылаах «Кэрэмэн» быыстапката ураты эйгэни тэрийэн урдук сыанабылы ылан бастыҥнар ааттарыгар киирдэ, салайааччы Анна Васильева;
🔱» Кыайыы чорооно» арт- инсталляцияҕа дьахтар, Ийэ кыайыыга кылаатын көрдөрөр композиция дьүүллүүр сүбэ болҕомтотун тардан бастын ааты ылла, салайааччы Айаара Федорова;
⚜️ Ржев аннынааҕы кыргыһыы толоонугар олохторун толук уурбут геройдарга анаммыт пааматынньык ис хоһоонун кытары, кыргыһыы толоонугар охтубут, Ржевскай мемориалга аата көмүс буукубанан суруллубут, биир дойдулаахпыт Г. Т. Колодезников сырдык ааттарыгар сүгүрүйэн туруоруллубут дьуhуйуубут урдук сыанабылы ылла, салайааччы Айаара Федорова;
⚜️Улуу Кыайыы 80 сылыгар анаммыт А5а көлүөнэ албан аата ахтыллар историческай матырыйааллар хомуллан «Албан аат» музейыгар туттарылынна, салайааччылар Сардана Васильева, Светлана Винокурова.
⚜️⚜️⚜️⚜️⚜️⚜️⚜️
Бары кыттыбыт, көмөлөспүт, сүбэ — ама буолбут, үлэлэспит дьоммутугар Харбалаахпыт аата доргуччу ааттаммытыгар барҕа махталбытын, төлөннөөх эҕэрдэбитин тиэрдэбит! Куруутун бииргэ сомоҕолоһон кыайыы өрөгөйүн билэ туруоххайын!
Тэрийэр хамыыһыйа 🙌🏼