🚩🚩🚩Бу дьыл, ыам ыйын 24 күнүгэр Орто — Амма нэһилиэгэр үс Амма нэһилиэктэрин бэтэрээннэрин икки-ардыларыгар 4 көрүҥҥэ Улуу Кыайыы 80 сылыгар уонна Манчаары оонньууларыгар ананар күрэхтэр буолан аастылар.
Тэрээһин кыттыылаахтарын Орто-Амма нэһилиэгин баһылыга эҕэрдэлээтэ уонна үс Амма Ытык сирин туһунан буклеты бэтэрээн сэбиэтин бэрэссэдээтэллэригэр бэлэхтээтэ.
Бу Ытык сиртэн биир дойдулаахтарбыт мустан Аҕа дойду Улуу сэриитигэр аттаммыттарын туһунан ахтыылары Орто-Амма нэһилиэгин олохтооҕо Блахирова В. В. хомуйан таҥан оҥордо. Салгыы бары сандалы тула олорон күрэхтэргэ кытыннылар.
Олбох тигээччилэр күрэхтэригэр 10 иистэнньэҥ кытынна.
Кыайыылаахтарынан
1 миэстэ — Табунанова А. Н — Чымнаайы.
2 миэстэ — Дедюкина Г.П. Харбалаах
3 миэстэ- Ючюгяева А. Д. Харбалаах
Анал ааттар Местникова Н.Н.
Бродникова В.Н.Харбалаахтар буоллулар.
Талахтан уран оҥоһуктары 7 уран тарбахтаахтар оҥорбуттар. Кыайыылаахтар- 1 миэстэни Арылахов О. И.,Чымнаайы,
иккис миэстэни Аянитова С. В. Харбалаах., үһүс — миэстэни Терякова Н.С. Харбалаах, анал ааттары Колотинский Г. П., Теряков В. Д Харбалаахтар., биһирэбил бириистэри Белолюбская В. С., Чымнаайы, Васильев Н.С Чычымах ылан
үөрдүлэр — көттүлэр.
Ырыаҕа 10 кыттааччы күрэхтэстэ. Ол түмүгэр икки 1 миэстэ — Попова Д. В., Налыяхов С. С., Чычымах, икки иккис миэстэ- Малышева Л. М., Слепцова М. С., Харбалаахтар, үһүс миэстэни Попова Г. Г. Чымнаайы уонна биһирэбил бириистэри Акимов Н.Н., Уваров А.И, Харбалаахтар., Афанасьева А. И., Чычымах, Рахлеева В. Т. Харбалаах ыллылар.
Улуу Кыайыыны уруйдуур хоһоону 15 бэтэрээн айбыттарын долгуйа, ытамньыйа иһиттибит. Бастакы миэстэни- Хантайар Туллук Харбалаах, иккис миэстэни Канаева А. Н. Чычымах, уонна тэҥ бааллаах үс үһүс миэстэлэри Слепцова М. С Харбалаах., Табунанова М. П.,Чычымах, Богдокумова П. К. Чымнаайы ыллылар. Бу тэрээһиҥҥэ үс Амма гимнэ «Таатта Амматын таптыыбын» , «Сэрии буолбатын» ырыалар бары бииргэ ылланылар, оһуокайы оройуттан тутан, эҕэрдэ нүөмэрдэри көрөн дуоһуйдубут. Тэрээһин кэмигэр АБДь көмө, үтүө санаа дьаарбаҥката ыытылынна. Атыыттан 15940 солкуобай үп хомулунна. Бу курдук үс Амма бэтэрээннэрэ көрсөн ирэ-хоро кэпсэтэн, сэргэхсийэн, тэрийээччилэргэ махтанан, аныгыс көрсүөххэ диэри дэһэн тарҕастыбыт. Бары көмөлөспүт, ас астаабыт, бириистэри туруорбут, кыттыыны ылбыт дьоммутугар-сэргэбитигэр барҕа махталбытын ис сүрэхпититтэн тиэрдэбит 👏👏👏